കൊട്ടിയൂർ : കുടുംബാരോഗ്യ കേന്ദ്രത്തിൽ വെച്ച് ദേശീയ വിര വിമുക്ത ദിനം ഭാഗമായി സ്കൂൾ, അംഗൻവാടി ടീച്ചേഴ്സിനു വേണ്ടി നടത്തിയ പരിശീലന പരിപാടി പഞ്ചായത്ത് പ്രസിഡന്റ് ശ്രീ റോയ് നമ്പുടാകം ഉദ്ഘാടനം ചെയ്തു. മെഡിക്കൽ ഓഫീസർ ഡോ ഹരീഷ് പി അധ്യക്ഷത വഹിച്ചു. ഹെൽത്ത് ഇൻസ്പെക്ടർ ടി.എ ജെയ്സൺ, പി.എച്ച് എൻ റീന സി.ജെ ജൂനിയർ ഹെൽത്ത് ഇൻസ്പെക്ടർമാരായ ഷിബു സി.ജി, ആനന്ദ് എസ് എന്നിവർ പ്രസംഗിച്ചു. ലഹരി വിമുക്ത പരിപാടിയോടനുബന്ധിച്ച് കൊട്ടിയൂർ ഐജെഎം ഹയർ സെക്കൻ്ററി സ്കൂളിൽ നടത്തിയ ക്വിസ് മത്സരത്തിൽ വിജയികളായ അവന്തിക അരുൺ, എൽവിൻ ഷോൺ സെബാസ്റ്റ്യൻ, അലൻ ജിഷി എന്നിവർക്ക് ക്യാഷ് പ്രൈസ്സും സർട്ടിഫിക്കറ്റും വിതരണം ചെയ്തു.
Deworming Day
